BLOG Se Paise Kamana Chahte Hain To Dhyan Rakhe Yeh Jaruri Batein

Website aur Blog banana hain to bahut asaan per isse paise kamana itna asaan nahi hain, Agar aap bhi yeh sochte hain ki Blog bana Lene se Income start ho jayengi to apka yeh sochna bilkul hi galat hain.

Agar aap soch rahe hain ki aaj blog bana lu aur kal se paise kamane lagunga to mai apko yhi kahunga ki dost please apna kimti time kharab na kare, kyuki jaisa aap soch rahe hain aisa bilkul bhi nahi hain, agar apko blog se sachme paise kamane hain to iske liye apko yha time dena padenga.

Kuch Log sochte hain ki jin logo ki Website or Blog hain wo log paisa bahut kamate hain, han yeh bat sach hain , per kuch hi blog aise hain jinke admin bahut paisa kama rahe hain, baki chote mote blog kuch khash income nahi karte hain. Jo log Acchi kamai kar rhe hain uske piche sacchi lagan aur kadi mehnat hain . Un logo ne Raat Din kadi mehnat karke is mukaam ko hasil kiya hain. Aur Is mehnat me wo sab chije sikhi hain jo ek blog ke liye bahut hi jaruri hain. 

Note: क्या business करे ?

Dosto mai apse friendly yeh kahunga ki agar apko blog se sachme paise kamane hain to uske liye apko bahut hi kadi mehnat karni padengi, aur blog ko apna bharpur samey dena padenga. chaliye ab topic per aate hain, Is topic ko start karne se pehle ek baat aur kehna chahunga ki ek blog ke liye jo jo jaruri chije hoti hain wo sab chije aapko mere is blog me bahut hi acche se sikhai jayengi..  

Jaise ki: – 

Blog kaise banaye.

2: Ek Seo Friendly post kaise likhe

3: SEO Kya hota hain, aur SEO kaise kare.

4: Complete knowledge of SEO

5: Adsense Account kaise banaye.

6: Adsense Account ko kaise verified karwaye.

yeh tamam chije apko is blog me sikhai jayngi.

Chaliye ab topic start karte hain.

Dosto Blog start karne ke liye aur Paise kamane ke liye in points ko Dhyan se Padhiye aur follow kariye to aap yaknan blog banane me kamyab bhi ho jayenge aur paise bhi kamayenge.

1: Blog banane ke liye jis knowledge ki jarurt hain wo kisi Jankar vyakti aur kisi acchi website se hi hasil kare.

2: Blog banane se pehle yeh pta kariye ki aap kis chij per blog banana chahte hain. dusre logo ki copy-cat blog na banaye, apne andar jhakiye aur sochiye ki aap aisa kya jante hain ya aisi kis chij me acche hain jo agar aap dusre logo se acche se share kar sakte hain.

3: Aisa bilkul bhi na kare ki Agar aap Cricket me acche hain to aap blog Football ka bana rahe hain. aise karne se apko bahut loss hoga, kyuki aap sirf ek time tak hi Football ke bare me likh payenge but jab complete knowledge nahi hogi to apke andar Football ke sare topic khatam ho jayenge, uske bad fir apka Blog kisi kam ka nahi hain. kyuki jab apke pas likhne ko koi topic hi nahi hain to aap usme likhenge kya, isliye mai apse ek dost ki tareh request karta hu, aap blog banane se pehle acche se soche ki aap kis chij me acche hain, is chij k liye aap apne ghar walo aur dosto ki madad bhi le sakte hain.

4: Ek bar blog ban gya uske bad yeh dhyan dijiye ki blog usi content per likha ho jiske upar apne banaya hain, aisa na ho ki apne blog cricket ke upar banaya hain aur aap usme earning money, blog se paise kaise kamaye,movies , music in sabke upar likh rahe hain.

5: aap yeh bilkul bhi na samjhiye ki aap Google se kafi Tej aur chalaak hain, isliye apna extra-mind na lagaye, acche se saf suthre tarike se blog per post likhiye aur logo ke sath share kare.

Agar apne kisi ka post copy karke apne blog me paste kar diya ya likh diya to Google apko aram se pakad lenga aur apke blog ko humesha ke liye Remove kar denga.

Aaiye ab paise kamane ke topic per chalte hain.

1: Blog bana lene ke bad turant hi adsense ke liye apply na kare, aisa bilkul bhi na kare ki blog aaj banaya hain aur blog me abhi 2-3 post hi apne dali hain aur apne aaj hi adsense ke liye apply kar diya, aisa karne per Adsense apke blog k liye kabhi bhi approval nahi denga. aur bar bar aisa karne per adsense apko humsha ke liye block bhi kar sakta hain.

2: Blog banane ke bad sabse pehele posts ko badhiye, ho sake to roj ek naye topic per post likhe, aisa karna apke chance bada deta hain.

3: Blog ka acche se SEO kare. SEO ki jankari acche se le. 

4: Jab ek bar acche se 10-15 post apke blog per ho jaye aur acche se apne blog ka SEO kar liya hain usi ke bad adsense ke liye apply kare.

Dosto bus ek kuch thore se topic hain agar aap inko acche se follow karte hain to 110% sure hu aap ek acche blogger bhi banenge aur apne blog se kafi paisa bhi kamayenge. EK bar blog ban jane ke bad usme acche se apni puri mehnat laga dijiye .

Apko blog se related agar koi bhi jankari chahiye to aap sidha mujhse puchiye, mai apke liye usi topic per ek post likhkar de dunga. Apni problem comment box me likhiye, ya mujhe mail bhi kar sakte hain, mera mail address mere contact page me diya gaya hain.. 

Post kaisa laga mujhe jarur btaye, post accha laga ho to isko facebook , twitter me apne dosto ke sath share kare..